Farsæll frá Vatnahjáleigu er faðir hennar Eldeyjar okkar en fyrir stuttu síðan hafði eigandi hans samband við mig og ég fékk þessa flottu mynd af honum. Hann er reiðfær og efnilegur hestur með flottan lit. 

Um síðustu helgi rakum við heim stóðið, gáfum örmalyf og skoðuðum trippin og folöldin til að ákveða hvað fær að lifa og hvað ekki. Fyrstu kynnin við folöldin voru í flestum tilfellum mjög góð, Skuttla undan Skvisu var samt með mestu ákveðnina, en hún gaf sig samt fljótt og stóð svo róleg og góð við hliðina á mér meðan ég gaf henni ormalyfið, Frigg undan Flugu var mjög róleg og eins var hún Gæfa undan Skímu líka mjög góð. Þau sýndu líka flest flotta takta og við erum ánægð með þau. Efnilegust er samt hún Drífa undan Drift, hún er með 111 í blupi og er búin að sýna flotta takta, Gulldepill sýndi okkur líka mjög fína takta. 

Núna eru öll folöld komin í heiminn, og við erum ánægð með útkomuna, við fengum 6 hryssur og 1 hest og litirnir voru skemmtilegir, rauðblesótt, rauðstjörnótt, leirljósstjörnótt, mósótt, brúnt og jarpskjótt, fljótlega kemur svo inná síðuna betra yfirlit yfir þau með nöfnum, og myndum.

Það fæddust tvö folöld í viðbót í nótt, annað kom reyndar í morgun en það voru þær Gulldepla og Vinda sem köstuðu, Gulldeppla kom með litinn sem við vonuðumst eftir, jarpskjóttan hest, en Vinda var með brúnt folald og við höldum að það sé hryssa. 

Ilmur frá Sauðárkrók og Leista frá Þórunúpi eru kastaðar, þær komu báðar með hryssur og við erum mjög ánægð með það. 

Núna bíðum við spennt eftir að fyrstu folöldin fari að fæðast, við eigum von á 9 folöldum, en við héldum 11 merum, ein er geld og ein lét. Við héldum öllum nema einni undir hann Sinfjötla frá Ósi, en ein fór undir Farsæl frá Vatnahjáleigu. 

Tilboðin okkar eru núna búin í bili, og skiluðu þau smá sölu, allavega eru tveir pottþétt seldir og svo er verið að skoða aðra tvo. 

Við erum búin að færa okkur vestur á snæfellssnes og erum flutt á bæinn Hólar í Helgafellssveit sem er um 10km frá Stykkishólmi. Allir hestarnir okkar eru úti eins og er en hafa það mjög gott.