Jæja loksins sá ég um daginn hvaða kyn er á folaldinu hennar Vindu frá Gröf, og það er hestur, þannig ég fór strax að leyta að nafni á hann og fékk samþykki um að hann fengi að heita Venus. Ég held ennþá stíft í þá von um að hann verði einhvern veginn vindóttur, en fróðir menn segja að folöld sem verða vindótt fæðast mjög ljós, og við þessar fréttir fór ég að efast, en ef einhver þarna úti veit betur má hann alveg upplýsa mig um litin á honum Venus mínum.

Þær Vinda og Perla köstuðu á sama degi í fyrra og þær hafa haldið þeim sið núna líka og köstuðu í nótt, Perla kom með rauðblesótta hryssu en hún Vinda verður alltaf svo rosalega mikil mamma þegar hún er köstuð að það er mjög erfitt að nálgast hana, þannig við vitum ekki hvort hún er með hryssu eða hest, við erum reyndar ekki alveg viss með litinn á folaldinu heldur, en við erum að gera okkur vonir um að það sé jarpvindótt. Afkvæmi Vindu er undan Prúð frá Gröf en afkvæmi Perlu er undan Vin frá Gröf.

Í dag fæddist brún hryssa undan Rún frá Hrísum II og Granda frá Skipaskaga.

Við ákváðum að hún fengi nafnið Rán.

Hún Rán er stór og falleg, en við vorum nú ansi svekkt að hafa misst af því þegar merin kastaði, við skruppum aðeins upp á fjall að girða og vorum í sirka klukkutíma, og það var nóg, hún var köstuð rétt við bæjardyrnar þegar við komum heim um fimm leitið í dag, alveg tíbiskt.