Í tamningum og þjálfun finnst okkur skipta miklu máli að hafa fjölbreyttni og gera stundum eitthvað annað en að ríða bara út, fram og til baka, og þá er vinna inní gerði alveg ágæt tilbreyting, fimiæfingar og jafnvægisæfingar bæði fyrir hest og knapa. Við höfum tekið slatta af myndum undanfarið og læt ég þér fylgja hér með þar sem við létum hestana hoppa yfir hindrun, þeim til skemmtunar og okkur, og æfðum okkur í jafnvægisæfingum. Þetta er mjög skemmtilegt fyrir alla, og eykur mýkt og gleði 

Hún Sabine frá þýskalandi er okkar nýji starfskraftur og ætlar hún að vera í nokkra mánuði hjá okkur til að læra sem mest um íslenska hestinn og fá reynslu bæði í þjálfun og tamningum, hún á sjálf hest úti í Þýskalandi og hefur brennandi áhuga á að læra. Við erum ofboðslega ánægð með það sem komið er, hún er dugleg og lærir fljótt og vel, og vonumst til þess að hún njóti þess að vera hér hjá okkur.