Jæja þá erum að verða búin að fylla hesthúsið af reiðhrossum og tryppum, erum komin með 15 hross inn og vorum að setja tvö út aftur sem eru að fara til Þýskalands núna fljótlega, það eru þau Lonta og Tumi, bæði góð reiðhross, en við getum nú ekki neitað því að það er mikil eftirsjá í honum Tuma, en þar sem við kynntumst nýju eigendunum hans ágætlega um daginn, því þau komu og voru hjá okkur í 5 daga, þá vitum við að hann fer í góðar hendur og það skiptir okkur miklu máli þegar maður er að selja svona höfðingja.