Við tamningastöðina og ræktunarbúið Sóldalhesta starfa Sigríður Sóldal félagi í FT og Jóhann Ingi Hinriksson, þau sjá alfarið um tamningar og þjálfun en oftast er ein auka manneskja í vinnu við að hirða hrossin og ríða út með og núna einnig til að passa yngsta meðlim fjölskyldunar en þau Sirrý og Jói eignuðust dreng þann 29.apríl 2008, hann heitir Sölvi Freyr. Reiðkennsluna sér Sirrý um og er um að ræða kennslu fyrir byrjendur.

Sigríður Sóldal.
 
Sigríður er alin upp á sveitabæ sem heitir Hólar, rétt fyrir utan Stykkishólm. Hún hafði frá blautu barns beini mikinn áhuga á hestum en ekki mundu þeir kallast gæðingar í dag, þeir hestar sem hún reið út á í æsku. Stefnan var strax sett á Hólaskóla og fór hún í hann um leið og hún hafði aldur til, hún kláraði skólann og útskrifaðist sem tamningarmaður árið 2002, vann á Syðra Skörðugili um tíma, og hefur unnið á ýmsum tamningarstöðvum síðan, þ.m.n. Þingeyrum hjá Helgu og Gunnari, Akranesi hjá Jóni Árna og Sigurveigu, í Stykkishólmi hjá Lárusi Hannessyni og Andreas Trappe í Þýskalandi.





Jóhann Ingi Hinriksson

Jóhann er fæddur og uppalinn í Stykkishólmi og hefur stundað hestamennsku frá unga aldri. Hann var mikið í sveit hjá frænku sinni í skagafirði og eignaðist marga góða hesta þaðan, þar má nefna Stjarna frá Hafgrímsstöðum sem Jói keppti mikið á og áttu þeir góðan feril saman. Jói sótti mörg námskeið hjá Reynir Aðalsteins og lærimeistari Jóa var Raggi Hinriks.